تدري وش اللي يجرح القلب جرحين
ويمد حبل الحزن فيك ويشدة
انك تناظر طفل من غير ابوين
يمشي ودمعه سايل فوق خده
منظر صعيب ويقسم القلب قسمين
لا قام يمسح دمعة بكف يده
يمشي ولا يدري طريقه على وين
لين التعب من كثرما تاه هده
اثقل حروف يشيلها فيه حرفين
لا أب يدريبة ولاأم ترده
في خطوته رحلة ودمعة وسكين
وحظ توسد بالمراسي مخدة
جيت اسأله بالله قللي ولد مين
وبغي يجاوب واختنق صوت رده
أنا يتيم وما دربي عناوين
وجزر الحزن فيني يساوي لمدة
وطعم الطفولة ما عرفته له لحين
وثوب السعادة صرت مانيب قده
ابكي إلى من شفت غيري سعيدين
لين البكا فيني يوصل لحده
واقفي ورحت امسح دموعي من العين
وعيني تناظر دمعته فوق خده
وهذا اللي يجرح القلب جرحين
ويمد حبل الحزن غصب ويشدة [/color]
![[size=24]تدري[/size] Empty](https://2img.net/i/empty.gif)
موضوع: [size=24]تدري[/size] ![[size=24]تدري[/size] I_icon_minitime](https://2img.net/s/t/14/14/36/i_icon_minitime.gif){kind=icon}
الإثنين أغسطس 24, 2009 4:05 pm
