ياصاحبـي لـو جيتنـي بالمعاذيـر
جرحك تجرعتـه ولافـاد عـذرك
لاعاد تنشدني ورى ضحكتك غيـر
ولاعاد تزهمني اذا ضـاق صـدرك
تذكر يوم اني اكتب الشعر تصويـر
وانا وشعـري كلنـا تحـت امـرك
تذكر سؤالي عنك عساك فـي خيـر
وانا وشوقي نحترق وسـط جمـرك
زدت بصدودك والغلا طـاح بالبيـر
مدري برود اعصاب او ذا يسرّك؟!
روّح زمانك والغلا اصبح اصغيـر
وصدق الاماني تحترق لـو تمـرّك
ترى غرورك دمـر الحـب تدميـر
راجع ضميرك واحفظ اليوم قـدرك
اما غلا واضـح ولا فيـه تزويـر
والا مـوادع ..ويكفـي الله شـرّك
أنا امير احساس وفي ظاهـر اميـر
ولامن بغيتك حـب مانـي بطـرّك
قصدي شريف ولاعَرِف عكسة السير
وانتا بكيفك ...اجرع اليوم (مرّك.!)
ياصاحبـي لـو جيتنـي بالمعاذيـر
جرحك تجرعته ..ولا فاد عـذركـ
موضوع: ياصاحبي لو جيتني... 
الإثنين أغسطس 24, 2009 3:56 pm