الذنب ذنبي من صبرت وتعنيت=ضني بصبري منصفي خاب ضني
ما جيت الا في ذرا الشرع لو جيت=وما رحت لو توفي ولو غصب عني
اقبلت انا واقفيت واقبلت ما اقفيت=وانكرت سكرات الهوا يوم جني
سميتك الغالي وبعد انت سميت=وشلون غالي والجفا يمتحني
هي حالتي لو بوصفه قلت عانيت=وهي حالتك ميراث ظلم وتجني
يا كثر ما انا اصبت ويا كثر ما اخطيت=ويا كثر اصبّر خافقي بالتمني
اكبر خطاي ان محزمي قولتي ليت=واصغر صوابي طيبتي واحرمني
كم جيت بيتك بالمواعد ورديت= ما كن جيت ولا هلا البيت مني
يبست ريقي من المنادا وصديت =ويا غير صوتي والصدا موصلني
عهدٍ قطعته حي لين اصبح الميت =ما صك باب ويحجب النور عني
ادري شكيت البعد وادري تمنيت=وادري بصيحات الحنين ارغمني
وادري بسهر ليل المفارق وغنيت=حرفي وخالط نبرة الصوت وني
وادري بضريم الجوف يا ساكب الزيت=وادري بجوابي حينها لسألني
لين اسألاً حبيت بقول حبيت=ولا قول مدري كيف ذا صار كني
لني على بساط المكارم تربيت=واحفظ وصايا والدي وانجدني
اعرف حدودي والزمه ما تعديت=ولا اسرج خيولي دامهن ما احشمني
اضما دهر في موردي ما ترديت=واسكن وعر دام الليال اصرعني
ما عانني كثر الذهب لا تهقويت=ولا ضامني قل الذهب لا رمني
عقب اركدت رمضا فهدته وشبيت=نارٍ كلت كفك بعد ما تحني
ان صرت لوني اعتبر كانك اوحيت=وفي غد لونك عبرته زاد فني
تجهل صفات معزبك لا تجي البيت=بعض الامور اغفلتها والزمني
موضوع: الذنب ذنبي 
السبت أغسطس 22, 2009 2:58 pm